SHPALLET 1 VEND VAKANT, POZICIONI I PUNËS “SPECIALIST FINANCE” – AFATI I APLIKIMIT DERI NË 25 SHTATOR 2026

Në mbështetje të Ligjit nr. 7961, datë 12.07.1995 “Kodi i Punës në RSH”, i ndryshuar, neni 19 pika 1, si dhe akteve nënligjore në zbatim të tij; të ligjit nr.44/2015 “Kodi i Procedurave Administrative në RSH”; të ligjit nr. 90/2012 “Për organizimin dhe funksionimin e administratës shtetërore”, i ndryshuar, si dhe akteve nënligjore në zbatim të tij; të ligjit nr. 9131, datë 08.09.2003 “Për rregullat e etikës në administratën publike”, i ndryshuar, si dhe akteve nënligjore në zbatim të tij si dhe urdhrit nr. 174, datë 12.03.2018 “Për miratimin e rregullores së brendshme të Shtëpisë së Pushimit të Ministrisë së Brendshme, Durrës”(propozuar për ndryshim):

Shtëpia e Pushimit e MPB, Durrës  shpall procedurën e rekrutimit për plotësimin e pozicionit vakant, si më poshtë :

Pozicioni: SPECIALIST FINANCE, kategoria IV-2, që  kryen detyrat (kryesore):

1. Zbaton programin e punës sipas miratimit nga përgjegjësi i sektorit;
2. kryen veprimet përkatëse për përllogaritjen e pagës për çdo punonjës, kontributeve përkatëse të sigurimeve shoqërore dhe shëndetësore, tatimin mbi pagë dhe parashikimeve të tjera;
3. kontrollon saktësinë e të gjithë dokumentacionit të magazinave (hyrje, dalje) dhe dokumentet shoqëruese të tyre (faturë, urdhër-dorëzimi, fletë-kërkesë);
4. mban librin e të ardhurave personale për çdo punonjës dhe plotëson librezat e kontributeve për një periudhë jo më shumë se viti i fundit me kërkesën e secilit punonjës;
5. verifikon saktësinë e çmimeve të mallrave sipas kontratave përkatëse si dhe marrjen e mallit në dorëzim nga komisionet e caktuara për pritje malli;
6. përpilon evidencat statistikore financiare me treguesit kryesorë ekonomik, sipas kërkesave specifike të miratuara nga përgjegjësi i sektorit;
7. angazhohet në përgatitjen e programeve periodike (vjetore dhe mujore) të punës së sektorit.

KRITERET E PËRGJITHSHME

Kandidati duhet:

– të përmbushë kërkesat e përcaktuara nga legjislacioni në fuqi;

– të ketë aftësi të plotë për të vepruar;

– të plotësojë kriteret arsimore dhe profesionale të përcaktuara për pozicionin;

– të paraqesë dokumentacionin e kërkuar brenda afatit të aplikimit.

KRITERET E VEÇANTA

Kandidati për pozicionin Specialist Finance duhet të plotësojë këto kërkesa:

1. Arsimi:  Diplomë Bachelor ose Master në Shkenca Ekonomike, ose në një profil të përafërt ekonomik, sipas kërkesave të pozicionit ( preferohet Financë- Kontabilitet).
2. Përvoja profesionale: Të ketë përvojë në fushën e financës/kontabilitetit, jo më pak se 1 vit.
3. Të ketë njohuri të legjislacionit financiar dhe kontabël të zbatueshëm për institucionin.
4. Të ketë njohuri dhe aftësi në përdorimin e programeve kompjuterike, veçanërisht MS Office/Excel dhe programeve financiare.
5. Të ketë aftësi për përgatitjen, kontrollin dhe administrimin e dokumentacionit financiar.
6. Të ketë aftësi për punë në grup, korrektësi dhe përgjegjshmëri në ushtrimin e detyrës.

DOKUMENTACIONI

Kandidatët duhet të paraqesin:

1. Jetëshkrim.
2. Kërkesë për pune.
3. Diplomë të arsimit të lartë, listë  notash (fotokopje e noterizuar).
4. Çertifikata ose diplomat e kualifikimeve dhe të specializimeve, nëse disponojnë (fotokopje).
5. Fotokopje e dokumentit të identifikimit të punonjësit (ID).
6. Çertifikatë familjare.
7. Vërtetim banimi.
8. Vërtetim i aftë për punë.
9. Vërtetim të gjendjes gjyqësore, vërtetim nga gjykata dhe prokuroria.
10. Fotokopje të librezës së punës për të vërtetuar eksperiencën e kërkuar.

.

AFATI I APLIKIMIT

Aplikimi dhe dorëzimi i të gjitha dokumenteve të cituara më sipër, duhet të bëhet brenda datës 25.09.2026 ora 12:⁰⁰, në rrugë zyrtare ose dorazi në protokollin e Shtëpisë së Pushimit të Ministrisë së Punëve të Brendshme Durrës, me adresë: Lgj.13, Rr.”Pavarësia”, Plepa, Durrës.

Zhvillimi i intervistës me aplikantët e përzgjedhur nga komisioni “Ad-hoc” brenda datës 28.09.20026  ora 13:⁰⁰, nga ku vetëm kandidatët të cilët përmbushin kriteret do të përzgjidhen dhe do të njoftohen për intervistë pranë Shtëpisë së Pushimit të MPB,Durrës,  si dhe njoftimi i kandidatit fitues brenda datës 29.09. 2026.

Me emërimin në pozicionin e punës do të lidhet kontrata individuale e punës.